Ekainberrik bere Kobazuloen II. eguna ospatuko du

2011eko martxoaren 6an, MUGARIK GABEKO LURPEA taldearen ekimenez, Ekainberri Kobazuloen II. eguneko ospakizunetara bisita bereziekin eta historiaurreko ehizako txapelketa batekin batuko da

Sorginen Kobak (Zugarramurdi), Urdazubiko leizeak, Sarako Leizeak, Pozalaguako Kobak, Koben Kobak, Mendukilo Kobak, Arrikrutz-Oñatiko Kobak eta Ekainberrik osatzen dute 2008an sortutako “Mugarik Gabeko Lurpea” taldea. Helburu argia dute denek, lurpeko bisitariari “seigarren kontinentea” deskubritzeko aukera ematea, hurbil izan arren hain ezezagun zaizkigun baliabide hauek ezagutzeko aukera eskainiz.

Balio historiko zein natural handiko leku hauetan, gizakiaren iraganaren arrasto garrantzitsuak mantendu dira, eta zenbait kasutan, berauen hormak oraindik kondaira eta mitoei loturiko errito herrikoiez hitz egiten digute.

Kobazuloen egunerako, aipatutako leizeek ekintza desberdinak antolatu dituzte. Martxoaren 6an sarrerek %50eko deskontua izango dute eta bisitariek Zugarramurdiko Haitz-Etxea Landa Etxerako asteburuko alojamendua eta 8 kobetarako sarreren zozketan parte hartuko dute.

Ekintza bereziak Ekainberrin

Ekainberrin egun horretako bisitak bereziak izango dira eta egun guztian zehar historiaurreko armak erabiltzeko ikasi eta entrenatzeko aukera izango dute bisitariek. Ondoren, 12:00etan eta 17:00etan ehiza txapelketari hasiera emango zaio. Txapelketa honetan parte-hartzaileek animaliak ehizatu beharko dituzte bizirauteko eta bi ehiztari onenek oparia eramango dute etxera.

Egun horretan ere bisita guztiak gidatuak eta aforo mugatukoak izango dira. Horregatik aldez aurretik 943868811 telefono zenbakira erreserba bat egitea gomendatzen dugu.

Kobazuloen Eguna Ekainberrin

- Sarrerak %50eko deskontuarekin egun osoan
- Zugarramurdiko Haitz-Etxea Landa Etxean estantzia eta 8 kobazuloetarako sarreren zozketa
- Erreplikara bisita gidatu bereziak
- Egun guztian zehar historiaurreko ehizatzeko herramintak erabiltzeko aukera
- Ehiza Txapelketak 12:00etan eta 17:00etan